殺手晉升術
野宮有
故事 3☆ / 解謎 4☆
是咁的：第一集《殺手營銷術》，主角超級金牌SALES鳥井一樹惹上黑道，為求保命，為黑道孭起上繳每月獻金條數並超額完成，最終仲加入埋暴力團伙極東諮詢，專職兜攬客戶，為客戶剷除唔想見嘅人（即係殺人），鳥井當然勝任有餘，日子過得還賴。
嚟嘞到第二集晉升術，話說黑道內部有意升人填補極東懸空的社長席位，自然預咗鳥井為參賽者，對手係上線巢谷組系組長貴洋的嘅頂頭馬鷹井，枱面上公平競爭以業績優劣決勝，實則組長跟馬仔早有默契，板上釘釘個位冇得爭，兼且敗者將難逃一死！鳥井當然心水清過清水灣，鷹井不單ＣＶ過人無可挑剔，而且性格殘暴冷血兼思慮周密，又隱藏更大圖謀，鳥井不單眼前有勁敵，後背更有見不著的地雷等佢去踩，呢一場生死晉升大戰較首集更難應付。
第二集繼續以銷售技巧心理學融入劇情，新鮮感難免弱了，加上鳥井一方沒有新角色加入，有點意外。好在扭橋還算豐富及峰迴路轉，而鳥井的心態也有適度的轉變，令第二集整體仍值追看。
會有第三集嗎？
No comments:
Post a Comment