《格雷的五十度色戒》
連片名都要抽李安水，應該係入戲院前一個小小的警示。好多人睇完鬧爆，我一定加入，雖然我未看原著，但是，憑原著惹起的鋒頭和注意及談論，肯定較電影版出色好多。倒轉講，即係電影版似係陀衰家，男女主角都唔靚仔靚女，這個雖然不太重要，但加上演技不過爾爾就大件事，況且，要色情冇色情，要劇情冇劇情，結尾那個打pat pat幾下，叫做性虐，然後女主角Anna煞有介事地拂逆而去，真係睇到火都起！！
睇完第一集，邊會夠膽掟錢落海再看第二集同第三集（如果夠膽咁樣拍落去）。一做比較，完全清晰李安的大師級水準展現在色戒的情慾戲上，力度十足地表達易先生的特殊處境和壓力如何發洩在情人湯唯身上。
《格雷的五十度色戒》，千祈要諗清楚先買票入場。
