Whispers in the Woods -- 寧靜致遠、大音希聲

 

Whispers in the Woods 林中天籟

 

你希望心田能有一刻「寧靜致遠」的感覺嗎?

你希望體會「蟬噪林逾靜，鳥鳴山更幽」是甚麼境地吧？

你希望領悟一下「大音希聲」是甚麼境界、甚麼一回事？

 

不妨看《Whispers in the Woods 林中天籟》找找罷！誠意推薦。

 

（看時不禁想起星野道夫）

公寓的二度春光 -- 任性一回！笑中有淚，氣中有情，只為放不下鄰里人情、鎏金回憶

 

公寓的二度春光 Calle Malaga

Carmen Maura

 

婆娘要自強，不受人擺佈！

 

呢個獨居阿媽一貫無憂生活，住在死鬼老公留下的舊大屋裡，最期在外生活的女兒擕孫回訪，煮兩味，過下天倫兒孫樂。

點知盼得阿女回，卻帶來晴天霹靂壞消息，阿女要賣大屋養頭，原來阿爸屋契寫咗女個名，阿媽NO SAY！咁，正路過正露丸，要阿媽搬去老人院或跟阿女走。

唔LIKE嘅嘢真係一日都嫌多，好有個性嘅瑪麗亞就度好計靜靜雞走番去間待售嘅吉大屋，竟然做起幽靈屋主…….故事就係講瑪麗亞點樣逐步還原番舊生活，賣咗嘅傢俬要搵番，冇錢點樣搵外快，如何繼續欺上瞞下地過活，仲要意外跟收賣佬發展出一份殘陽戀（比黃昏更遲暮一點），經歷笑中有淚、氣中有情。

不是小鎮風貌一定好，去大城市生活必然冷淡疏離，人最是留戀總係年月積淀下來的鄰里人情、鎏金回憶。

雖然爆煲一日終會來臨，現實不由人……那段率性而為的歡快日子，總長留在瑪麗亞心中。既bitter又sweet